ფუტურო ადამიანები

სპეკტაკლის შესახებ: 

თომას ელიოტი თავის საკმაოდ გრძელ და ტევად ლექსში ძირფესვიანად ცვლის ჯოჯოხეთის ტრადიციულ მხატვრულ და ზოგადკულტურულ ხატს, შავბნელ ჯურღმულებში ცოდვილთა სულების შიშისმომგვრელი ტანჯვა-წამების ნაცვლად, ის წარმოსახავს სრული ზნეობრივი და ფიზიკური პარალიზის შემზარავ სურათს. „კაცის ფიტულების“ პერსონაჟთა სამყაროში არ არსებობს პროტაგონისტი, აქ არც გმირს ვხვდებით, არც ანტიგმირს. წარმოსახულია უბრალოდ სტატისტთა მასა, რომელიც ავტორისეულ ჩანაფიქრშივე უმოძრაოა, უსახური და უფერულია. ელიოტამდე, ალბათ, არავის გამოუხატავს ფასეულობათა დეგრადაციის შედეგად შექმნილი ჩიხის ესოდენ შემაძრწუნებელი განცდა, ქვეყნიერების ზნეობრივი აღსასრულისა, რომელიც ყოველგვარ პომპეზურსა თუ საზეიმო ხასიათს მოკლებულია და უსუსურ სლუკუნში გამოიხატება.

თეატრის შესახებ: 

საჩხერის თეატრი 2001 წელს შეიქმნა ერთ დროს არსებული სახალხო თეატრის ბაზაზე, მას შემდეგ დაიდგა არაერთი სპექტაკლი, აქტიურად მონაწილეობდა იმერეთის რეგიონულ ფესტივალზე „თეატრალური იმერეთი“ დაფუძნების დღიდან, სადაც არაერთი მთავარი ნომინაციის მფლობელი გახდა. ასევე, მონაწილეობას იღებდა საქართველოში გამართულ სახალხო თეატრალურ ფესტივალზე.2016 წელს დაფუძნდა როგორც ა(ა)იპ პაოლო იაშვილის სახელობის საჩხერის თეატრი. იმერეთის თეატრალურ ფესტივალზე ორჯერ გახდა გრანპრის მფლობელი. ასევე, გორსა და მარნეულში გამართულ საქართველოს სახალხო თეატრების ფესტივალზე მიღებული აქვს ჯილდო საუკეთესო მუსიკალური გაფორმებისათვისა და ქალისა და მამაკაცის მთავარი როლის საუკეთესოდ შესრულებისათვის. მონაწილეობა მიღებული აქვს საბერძნეთსა და რუმინეთის რესპუბლიკაში საერთაშორისო თეატრალურ ფესტივალებში. თეატრი დღემდე აქტიური შემოქმედებითი ცხოვრებით ცხოვრობს.