ცოცხალთა ხმა

სპეკტაკლის შესახებ: 

იოანე თვითმკვლელობის შემდეგ აღმოჩნდება „მკვდართა საუფლოში“ - მარადისობაში, სადაც გარდასული სიცოცხლე არ ახსოვს, თუმცა, არსებობა იმავე წესრიგს იმეორებს, როგორიც მის სიცოცხლეს ჰქონდა. ეს არის სივრცე, რომელშიც მოგონებები, არ გაკეთებული საქმეები და უთქმელი სიტყვები რეალურ სახეს იძენენ და განსხეულდებიან. მკვდართა საუფლოს თავისი წესები აქვს. თუმცა, ყველაფერი ირღვევა მაშინ, როდესაც იოანეს სამყაროში მოულოდნელად ჩნდება მისი მეუღლე - მარიამი. ეს მოვლენა ამხელს მტკივნეულ სიმართლეს: მარიამის სიკვდილი იოანესთან არის დაკავშირებული. იოანე იძულებულია, გაიხსენოს საკუთარი სიცოცხლე, დაუპირისპირდეს საკუთარ თავს და ეცადოს მარიამის სულისთვის სიმშვიდის მინიჭებას. ეს გზა რთული და მტკივნეულია, რადგან მკვდართა საუფლოში ადამიანი ვეღარ გაექცევა საკუთარ სიმართლეს. „მკვდართა საუფლო“ არ არის ადგილი, სადაც ისჯები - არამედ ადგილი, სადაც ყველაფერს ხედავ. ზოგჯერ ყველაზე მძიმე შედეგი მოაქვს არა იმას, რაც გააკეთე - არამედ, რაც არ გააკეთე.