სპექტალის შესახებ:
სპექტაკლის შესახებ:
„მოსასხამი“ გოგოლის მარადიული ზღაპრის შემაძრწუნებელი რეინტერპრეტაციაა.
სცენაზე მამაკაცი ჩნდება. მისი სახელი დავიწყებულია, წარსული - წაშლილი. მისი გონება ბრძოლის ველია; მოგონებები კი ფრაგმენტულად, ჩურჩულის სახით ჩნდება. თავისი ისტორიის ნანგრევებში ხეტიალისას, ის ხელახლა აწყობს საკუთარ თავს: მაღალი რანგის მოხელე, შეძლებული ჯენტლმენი, პატივსაცემი ფიგურა... თუმცა, ეს მოგონებები მხოლოდ გაბრძოლებაა სულის, რომელიც სიღარიბემ და შეუმჩნევლობამ დათრგუნა.
და აი, მოსასხამი - ხსნა დაუნდობელი სიცივისგან; იმედის სიმბოლო; რაიმეს მიკუთვნებულობის შანსი. ეს მოსასხამი მხოლოდ ტანსაცმელი არ არის, არამედ ეს არის ვედრება იმ ადამიანების წინაშე, რომლებიც მას არ ცნობენ.
მოსასხამს იპარავენ და ყველაფერი ინგრევა. ილუზიები ქრება და რჩება სიმართლე: კაცი მკვდარია. ახლა მხოლოდ აჩრდილია, რომელიც საკუთარ ნატანჯ ბილიკზე დაეხეტება. და ის ბრუნდება, რომ დაუპირისპირდეს, შური იძიოს იმ სამყაროზე, რომელმაც უხილავად აქცია.
„მოსასხამი“ თეატრალური ხელოვნების ნიმუშია, სადაც ერთი შემსრულებელი მთელი საზოგადოების გამოძახილს განასახიერებს.
ინფორმაცია თეატრის შესახებ: „თეატრი ლიბრა“ თანამედროვე თეატრალური კომპანიაა, რომელიც თამამ ხედვაზე დგას - გააცნოს მსოფლიოს თურქული თეატრი და მისი წარმომადგენლები: დრამატურგები, რეჟისორები, მსახიობები და დიზაინერები. საერთაშორისო ფესტივალებში აქტიური მონაწილეობით, „თეატრი ლიბრა“ მიზნად ისახავს, აჩვენოს თურქული თეატრის უნიკალურობა და შემოქმედებითი ენერგია ფართო აუდიტორიას.
ჩვენი მხატვრული მიდგომა დაფუძნებულია პოსტმოდერნისტულ შეგრძნებებზე. ვეწინააღმდეგებით ტრადიციულ ფორმებს. ჩვენი შემოქმედებით გვინდა სიღრმისეულად გამოვიკვლიოთ ადამიანი თავისი სირთულეებით.
„თეატრი ლიბრა“ ქმნის სპექტაკლებს, რომლებიც უნივერსალური ემოციებისკენაა მიმართული, თუმცა, მაინც მყარად ეფუძნება კულტურულ იდენტობას. „თეატრი ლიბრა“ წარმოადგენს ინოვაციური დიალოგის პლატფორმაა.