მედეა

სპექტაკლის შესახებ: 

ლეგენდარული მითოლოგიური მედეა, რომელმაც უამრავი ჭირ-ვარამი გამოიარა და ახლა საბერძნეთშია, ყველასგან მიტოვებული, მორალურად განადგურებული, უცხო მხარეში, რომელსაც ვერ იტანს, ნოსტალგიით არის გამსჭვალული. იძულებულია, ფიზიკურად იმუშაოს და ყოფითი ხელობით დაკავდეს. მას არ ასვენებს შეუმდგარი სიყვარული, იასონის ღალატი და ის გავლილი წლები, რომლებიც მასთან გაატარა. შვილების სიკვდილი, დანგრეული ოჯახი, მისი ცხოვრების უიღბლობის დაღი ვერ ამოიშალა მისი გონებიდან, რამაც თვითმკვლელობისკენაც კი უბიძგა, მაგრამ ცხოვრება გრძელდება, მედეას მისია ჯერჯერობით შეუსრულებელია.

თეატრის შესახებ: 

ლაგოდეხის დრამატული და თოჯინების თეატრი უკვე ერთ საუკუნეზე მეტს ითვლის. თოჯინების თეატრი 50-იან წლებში დაემატა. ამ წლების მანძილზე თეატრი სხვადასხვა დროს ტრანსფორმირებას განიცდიდა. საკოლმეურნეო თეატრი, რამდენიმე წელიწადი სახელმწიფო თეატრის სტატუსს ატარებდა, მერე კი სახალხო და მუნიციპალური თეატრის სახელს. დღეს მიუხედავად მრავალი სირთულისა თეატრი აგრძელებს აქტიურ მუშაობას. თეატრთან ფუნქციონირებს საბავშვო თეატრალური ხელოვნების სახელოსნო, რომლის კურსდამთავრებულები უკვე მსახიობებთან ერთად თამაშობენ სპექტაკლებში. დღეს თეატრის რეპერტუარში ორი დრამატული და ხუთი თოჯინური სპექტაკლია. წელს კიდევ სამი დრამატული და ორი თოჯინური სპექტაკლია დაგეგმილი.